電影長短打 DVD推介---鐵甲人魔 HardWare

90年代, 大家回味緊<未來戰士1>等緊<未來戰士2>時, 英國導演Richard Stanley用極底成本,素做一個高溫火紅的劫後世界, 把失控Terminator鐵甲骨精帶進一棟全電腦保安控制的<重慶森林>, 以電鑽鬼爪+海落英為殺人武器, 專門破懷人類生殖器官, 再加上高科技暴肥偷窺自慰狂, 爆糖爆到玩Yoga嘅濕鳩Friend, 屌西積極駁火無力嘅男友同埋樓下嘅九龍城寨原居民, 仲有霎時屌鬼的IGGY POP, 呢晚夠晒爆!

當年部戲票房失利, 全因發行商Miramax將本片包裝<未來戰士>式的全攻型動作片, 但實際上, 本片係以底成本玩CYBERPUNK, 同時玩迷幻Fing頭Feel, 所以觀察覺得被坤, 口碑自然差, 加上係三級, 票房亦因此而蝕底.

不過經過時間洗禮及觀眾冷靜下來再响CABLE TV番睇, 終於發現本片實為近代Cult片典範, 可惜導演Richard Stanley一向玩性格, 所以英美日多年都無DVD, 只有香港洲立出過VCD及98年德國出過限量DVD, 雖然畫面係4:3, 但因本片已被封上神枱, 所以炒致天價900蚊美金.

好在, 家陣英國再出番數碼收復版, 但都好難買, 佢6月22日上市, 我要訂到今日先有貨, 可能數量少, 唔知會唔會出一排就停產, 所以要買快手啦! 隨碟仲有Post Card漫畫送, 先買220港紙, 低到哭啦! (辛比)