2009年7月27日星期一

電影長短打 DVD推介---《華魁》港譯 : 《春震藝妓館》


《華魁》港譯 : 《春震藝妓館》

武智鐵二1983年嘅作品, 亦是日本粉紅影畫史上鮮有奇幻爆CULT奇片. 由當年婷婷玉立皮膚白滑嘅親王塚貴子飾演女主角華魁.菖蒲太夫.
故事分為2部分, 發生於明治中期, 長崎遊廊一所妓院的故事. 故事起首描述一個窮鬼紋身佬將扑嘢同刺青藝術二合為一, 籍此與傾慕已久的妓女美代野一嘗翻雨覆雲, 最後更以蜘蛛精圖案刺青令美代野成為長崎遊廊最淫慾妖媚的搶手妓女. 故事把迷姦, 暴力性行為的情節柔合神秘的和式刺青藝術, 配以色彩斑斕嘅妓院裝潢及眾主角件件脫下嘅華衣美絹, 仲有白雪雪嘅肉體橫陳, 絕對令人迷醉!

而第二部分就嚟到主戲, 華魁.菖蒲太夫乃妓院另一紅牌, 之不過晚晚遭受各式核突仔狗公阿叔向上壓向下插, 實在苦不堪言欲哭無女. 幸得一心儀恩客久不久與她來個瞬間短聚, 以愛與沫互相慰藉, 才不致崩潰自毀.

但心儀恩客亦係窮鬼一名, 兩人心知繼續如此根本沒有明天, 逐決定逃離妓院遠走高飛. 可惜最終被人好事撞破, 恩客被監生打死.

其後華魁遇上美國水兵,對方答應替佢贖身並且赴美結婚, 華魁當然一口答應. 但赴美的旅程卻要於木箱內屈蛇, 而於屈蛇途中, 竟發現窮鬼恩客仍對自己臉臉不忘, 鬼魂附於華魁受傷嘅膝蓋傷口上與自己如泣如訴.

上岸後, 華魁一心以為已抵達美國, 但其實只係潢濱港, 入夜, 美國水兵已按捺不住要同華魁嚟番劑, 卻向交合中途感到被華魁下體大力咬實, 嗌晒救命之餘, 先知係窮鬼恩客嘅鬼魂附上華魁陰道, 將水兵碌嘢死咬唔放, 逐派神父軀魔, 之但係, 日本仔係信神道教唔係信耶穌, 所以聖經聖水十字架全是廢話.........

《華魁》上映時被日本電檢剪走多場Hardcore的4仔式性愛交合鏡頭, 而且仲用彩色塗抹片中的陰莖, 先可出街, 當年亦因此而於宣傳上寫上"請來看日本電影中的第一個彩色陰莖!" 盡管現時市面上只能搵到日本版, 但絕對不實觀賞呢部日本粉紅影畫史上鮮有奇幻爆CULT奇片嘅樂趣.

雖然貴為日本粉紅電影教父, 但武智鉄二嘅書生味文學味不下於寺山修司, 早於未涉足電影時, 已活躍於舞台和歌舞伎嘅大胆實驗創作, 1954年,武智將木下順二的《夕鶴》改編成能狂言版本, 成為二戰後日本最為成功的戲劇之一. 而佢嘅電影劇本亦多改篇自大文豪谷崎潤一郎嘅作品, 例如本片故事就係出自谷崎嘅小說《人面疽》. 武智亦寫下不少劇評分析同谷崎潤一郎作品嘅導讀, 佢於1988年7月26日因胰腺癌離世. 而其太太川口秀子亦係日本嘅出名舞蹈家, 亦於今年2009年1月5日以86歲高齡離世.

提起武智鉄二點能唔講講其經典<黑雪>事件? 下劑電影長短打嘅DVD推介再同大家講講電影<黑雪>及其事件嘅始末. (辛比)

沒有留言:

發佈留言